IHOME

ដីមាន 4ប្រភេទធំៗ វិនិយោគលើដីប្រភេទណាចំណេញលឿន?

បច្ចុប្បន្នមានសំណួរជាច្រើនសួរថា តើទិញដីប្រភេទណា ទើបមិនខាត? តើទិញដីប្រភេទណា បានចំណេញ? អ្នកជំនាញផ្នែកអចលនទ្រព្យនៅកម្ពុជា ថាដើម្បីវិភាគឱ្យដឹងពីឱកាសចំណេញ ឬខាត ជំហានដំបូងអ្នកត្រូវដឹងពីប្រភេទដីជាមុនសិន។

លោកស៊ីប៉ាវ ម៉េងហ៊​ ភ្នាក់ងារលក់អចលនទ្រព្យ បុរី​​ សៀងហៃបានលើកឡើងថា ជារួមដីត្រូវបានបែងចែកជា ៤ ប្រភេទធំៗរួមមាន ដីសម្រាប់កសិកម្ម ដីសម្រាប់ទេសចរណ៍ ដីសម្រាប់ឧស្សាហកម្ម និង ដីសម្រាប់លំនៅឋាន។​ 

ដីទាំង៤ ប្រភេទនេះ មានសក្ដានុពលផ្សេងៗគ្នា ប៉ុន្តែលោកថា បើចង់ចំណេញឆាប់ៗ ត្រូវផ្តោតលើដីឧស្សាហកម្ម និងដីលំនៅឋាន ព្រោះប្រភេទដីនេះមានការអភិវឌ្ឍន៍ឆាប់ មានមុខរបរការងារ និងមានចរន្តមនុស្សរស់នៅច្រើន។ ប៉ុន្តែ អ្នកទិញក៏ត្រូវគិតពីកត្ដាផ្សេងៗទៀត ដូចជាទីតាំង សកម្មភាពសេដ្ឋកិច្ចនៅជុំវិញ ក៏ដូចជាស្ថានភាពទីផ្សារផងដែរ។

ដោយឡែក សម្រាប់ដីកសិកម្ម និងដីសម្រាប់ទេសចរណ៍វិញ លោកថា បើអ្នកទិញ ហើយរំពឹងថាចំណេញឆាប់ៗ គឺជាកំហុសមួយ ព្រោះប្រភេទដីទាំង២ នេះមានទំហំធំ និងត្រូវការអភិវឌ្ឍន៍រយៈពេលវែង៕

Facebay