IHOME

ត្រឹមវ័យ២៤ឆ្នាំ លោកស្រី ហ៊ុយ យី អាចបង្កើតយីហោប្រេនម៉ាកល្បី ច្នៃចេញពីរូបមន្តធម្មជាតិ

ខណៈពេលមនុស្សជាច្រើនកំពុងតែងប់ងល់នឹងការនាំចូលផលិតផលពីក្រៅប្រទេស បែរជាមានស្រ្តីវ័យក្មេងរបស់កម្ពុជាមួយរូប កំពុងប្រឹងប្រែងទាំងថ្ងៃទាំងយប់ បង្កើតផលិតផលចេញអំពីស្នាដៃរបស់ខ្លួន តាមរូបមន្តធម្មជាតិទៅវិញ។ ស្ត្រីខ្មែរម្នាក់នេះ គ្មានអ្នកណាក្រៅពីលោកស្រី ហ៊ុយ យី នោះឡើយ។

លោកស្រី ហ៊ុយ យី បច្ចុប្បន្ន គឺជាម្ចាស់ប្រេនម៉ាកល្បីឈ្មោះ ស្អាតបែបខ្មែរ​ ដោយយីហោកូនខ្មែរមួយនេះ​ កំពុងផ្តោតសំខាន់ទៅលើផលិតផលធម្មជាតិ ល្អបំផុតសម្រាប់អ្នកសម្រាលបុត្ររួច ( សសៃខ្ចី ) ជួយបំបាត់ជាំមុខ ជាំឈាម ជាំកំណើតកូន និងជំនួយឱ្យស្បែកភ្លឺ ព្រមទាំងមានសំណើម ជួយដល់សុខភាព បំបាត់ផ្តាស់សាយ បំបាត់ស្ក្រេស សម្រកជាតិខ្លាញ់ និងអាចយកទៅស្ទីម បានថែមទៀតផង។

នៅក្នុងបទសម្ភាសន៍ជាមួយ Business Cambodia លោកស្រី ហ៊ុយ យី បានបង្ហើបឱ្យដឹងថា​ មូលហេតុធំបំផុត ដែលជំរុញឱ្យលោកស្រីសម្រេចចិត្តបង្កើតយីហោប្រេន ស្អាតបែបខ្មែរ នេះឡើង គឺវាផ្តើមចេញអំពីការស្រលាញ់ពេញចិត្ត និងចង់លើស្ទួយផលិតផលខ្មែរ ឱ្យប្រជាជនខ្មែរបានស្គាល់ និងបានដឹងពីគុណភាព ព្រមទាំងអត្ថប្រយោជន៍ផ្សេងៗ របស់ផលិតផលខ្មែរ ដែលជារូបមន្តធម្មជាតិសុទ្ធសាធ។

លោកស្រី ហ៊ុយ យី បានបង្ហើបឱ្យដឹងទៀតថា រូបមន្តរបស់ផលិតផល ស្អាតបែបខ្មែរ ទាំង៣៣មុខ គឺត្រូវបានបង្កើតឡើងដោយស្នាដៃរបស់ខ្លួនទាំងអស់ ហើយក៏សុទ្ធតែបានឆ្លងកាត់តាមការពិសោធន៍ដោយលោកស្រីផ្ទាល់ អស់រយៈពេលជាង ៣ឆ្នាំផងដែរ។ មិនតែប៉ុណ្ណោះ ផលិតផលស្អាតបែបខ្មែរសុទ្ធតែត្រូវបានចុះបញ្ចីនៅក្រសួងសុខាភិបាល ព្រមទាំងមានស្តង់ដារវេបខ្ចប់យ៉ាងម៉ត់ចត់បំផុត។

សូមបញ្ជាក់ថា​ សព្វថ្ងៃនេះ​ យីហោប្រេន ស្អាតបែបខ្មែរ របស់លោកស្រី ហ៊ុយ យី កំពុងត្រៀមពង្រីកទីផ្សារនៅទូទាំងប្រទេសកម្ពុជាផងដែរ។ អាស្រ័យហេតុនេះ សម្រាប់បងប្អូនដែលមានបំណងចង់ធ្វើជាដៃគូសហការរបស់ក្រុមហ៊ុនដែលមានស្តង់ដារច្បាស់លាស់ អាចធ្វើការទំនាក់ទំនងតាមរយៈ ហ្វេសប៊ុកផេក ស្អាតបែបខ្មែរ ឬតាមរយៈលេខទូរស័ព្ទ 096 735 6666 - 097 735 6666 នេះបាន៕

Facebay